Central Agricultural University, Selesihah extension advisory comm. thukhawm

9th College Extension Advisory Committee thutkhawm chu Zirtawpni khan College of Veterinary Sciences & Animal Husbandry (CVS&AH) Central Agricultural University (CAU) Selesih Aizawl ah neih a ni.

CVS&AH thawhpui Mizorama line department hrang hrang – AH & Vety, SIRD&PR, MULCO, KVK, NEXGEN, MTTC Thenzawl, VTC Selesih bakah CVS&AH college facultye, self help group hruaitute, ran vulhtu leh loneitu aiawh, an vaiin mi 35 an tel. Kum khat chhung (2024-2025) atana college-in line department, self-help group, ran vulhtute leh loneitute tana an hamthatna tur leh an hmalakna tur, a bikin training chi hrang hrang, field visit, animal health camp leh thil dang hmachhawp duan a ni.

Thutkhawmah hian NDVSU Jabalpur Director of Extension Education Dr Sunil Nayak chu ‘external expert’ niin, Jabalpur Veterinary College Department of Veterinary Microbiology head Dr Anju Nayak leh CAU Extension Education Council member Dr David Lai te chu ‘special invitees’ an ni.

CVS&AH CAU Selesih dean Dr Lalnuntluangi Hmar chuan an college dinhmun a sawifiah bakah nasa zawka an tan ho chuan Mizorama loneitute leh ran vulhtute an pui thei anga, an dinhmunin hma a sawn chhoh zel a beisei tih a sawi a ni.

Department of Veterinary Extension Education HoD Dr Saidur Rahman chuan nikum (2023-2024) a college hmalakna a report a; kum 2024-2025 atana college hmachhawp sawiho niin, department hrang hrang nen thawh ho theihna tur an sawiho a ni.

Hetiang thutkhawm hi kumtin CVS&AH CAU Selesih hian a buatsaih thin a. Kum lokal tur atana hmalakna tur duan leh kum liamtaa hmalakna enlet thin a ni.

Leave a Reply

error: Content is protected !!