Tunge tiliam?

  • Dr. C. Lalrampana

A KAMKÊUNA

Hla phuah thiam Buonglienkung phuah, zaithiam Lalruotmawiin a sak “Mihring ramah thiamthu sawi thei ka ni lo…” tih hla ang lo takin 26/4/2024 atanga tun thlengin SASCI atanga sum hmuh FY 2023-2024 Rs.700vbc atanga vbc Rs.233.31vbc lapse ta chungchangah “Mihring ramah thiamthu sawi thei ka ni” intiho kan ram hruaitute chuan tun thlengin thiamthu an insawisiak mek a, an tawp hlei thei lo. Eptu lamin Special Assembly Koha zoram mipui hmuh ngeia sawiho an ngen a, rorel lai lahin common platform-a debate an cho bawk. Athenin Open letter to CM an lo ti vel; mihring ramah hi zawng thiamthu sawi an chakin an cho nangiang mai. Pathian hmaah thiamthu sawi tur an nei ang em tih erawh ngaihtuah tham tak a ni.

SASCI HI ENGE NI?

Covid-19 hripui leng vangin FY 2020-21 khan State-te tanpuina bik Special Assistance to States for Capital Expenditure Scheme siamin a kalpui tan a. He scheme hi tihzauh a ni a, ‘Scheme for Special Assistance to States for Capital Investment 2023-24’ tia chhunzawm a ni. He Scheme hnuaiah hian State Sorkar hnenah capital investment project hrang hrang atan kum 50 chhung interest free loan angin sum leh paia tanpuina pek a ni. Kum 2022-23 Financial Year (FY) atan state hrang hrangte hnenah sum lama Rsanpuina pek a ni. Centre chuan Rs. 56,415 vbc chu State hrang hrangte tan ‘Special Assistance to States for Capital Investment 2023-24’ Scheme hnuaiah State 16-te Capital Investment a pawmpui (approved) a ni. Ministry of Finance-in a sawi angin Capital expenditure-a Trends hi UP leh Bihar-te’n Capital Expenditure nena inzawm criteria zawmtu leh kum li kal ta chhunga Scheme hnuaia maximum allocation dawng thei State awm chhun an ni. He Scheme hnuaia sum awm zawng zawng aRsanga 1-2% vel dawngtu State zingah Uttarakhand, Haryana, Kerala leh Punjab-te an tel. Andrha Pradesh, Kerala, Manipur leh Punjab-ahte hian kum 2023-24 chhungin allocation engmah an dawng lo a, Ministry of Finance-in a sawi danin heng State-te hian Scheme hnuaia eligibility criteria an tlin lo a ni. India sorkarin he Scheme hnuaia State-te hnena sum a pekte hi capital project thar leh kalpui mek atan hman a ni ang a, hun rei tak chhunga State tana hlawkna tur atan hman a ni ang. He sum hi capital project kalpui mek zingah pending bill settlement atan pawh hman theih a ni. SASCI hi DPR hmanga plan & project siama sum hnuh chhuah leh CSS Scheme ang a ni lova, covid-19 vanga harsatna tawk state-te tana a pung awm lova loan a ni a, pawisa kum mil zela sum dinhmun azira pek a ni a, a dawngtu State pawisa kum huam chhunga an hmang thiam lova an hmang zo hman lo a nih pawhin anmahni mawh a ni mai.

INHNIAL A SAWT EM?

June 3, 2022 khan Dr Pc Biaksiama leh Rev Thangliansangate UPC thurin dik leh dik loh thuah inhnialna (debate) an nei chiam kha a ni a. UPC lam khan chak zawkah an inngai a, Dr. P.C. Biaksiama tantu lam khan dik zawkah an inngai ve bawk niin a lang. Mahse, kha inhnialna avang khan tun thlengin UPC lam leh PCI lamin member thar an lak phah hriat tur a awm lem lo. Pawl lehlam lehlamte chu uicho saruh khel bang ang maiin an ruh tulh tulh ve ve niin a lang a, intihlârna atan erawh a tha phian. Rinna lamah erawh a sawngsawhlawt lem lo hle. Kum 2010-11 chhûnga Mizoram SSA sum sikul uniform leina tùr Rs. 7,43,16,000 hman lohin a liam (lapsed) a. Hei vang hian March, 2012-a Mizoram Assembly Session-ah Education Minister Lalsawta leh Dr. R. Lalthanglianate chuan ‘MLA aRsanga bân’ hial ngamin thu an inchuh a. April ni 1, 2012 khán Speaker R. Romawia chuan Inquiry Committee din a nih thu a sawi a, Chairman Lalduhawma, member-te PP Thawla, B. Lalthlengliana, Lalthansanga, R. Lalrin-awma leh John Siamkungate an ni. Inquiry Committee hian an hun chhûnga an chhui zawh hman loh avangin, an term chu October ni 31, 2012 thleng pawtseisak an ni. Inquiry Committee thutluknaah pakhat a dika pakhat a thiam tih ang maiin a chalrem ringawt. Khatih lai khan Planning leh S.Edn/SSA lamte chuan SSA sum a lapsed zia an hrechiang hle thung. A changtu Minister khan a “lapsed lova a spilled over zawk a ni” a ti ni khan a lang a, ‘bawkbawn leh manta’ tih ang vel a ni. Mahse, kha inhnialna leh inquiry Committee thutlukna khan SSA sum Rs. 7,43,16,000 lapsed kha engtikawng mahin a pawtlet thei tawh lova sawtna a nei lo hle.

A TLÂNGKAWMNA

SASCI sum awmzia kan hre chiang theuh tawh. SASCI sum FY 2023-2024 ami Rs. Vbc 700 atanga vbc 233.31 lapsed ta chungchangah eptu lam leh rorel lai party-te heti taka inhnial hian enge sawtna a neihRs Tu avang pawh chuan lo lapse se Rs. 233.31 liam tawh hi hman tangkai a ni tawh chuang lova sawtna a nei lo. Sanction thar awmleh mek hman dan tur leh hman zawh dan turah ruahmanna tha neih a pawimawh zawk. UPC leh PCI debate te, SSA sum lapsed/spilled over ang tho khian eptu lam leh rorellai party-te hi an tanna lamah an ruh tulh tulh ve ve zawk a ni. Common Platform emaw Special Assembly emaw pawhin sawngsawhlawtna engmah a nei lo. Ramhluizia emaw, kalphung thar emaw pawhin awmzia a nei lo. Kha sum kha hman loha a tiliamtuin a tiliam tawh a, thiamthu sawi tur zawng reng renga hman hlelh ai chuan sum renchem, hman dik, sum lapse awm tawh lo tura tan lak ni zawk se kan ram tan a hlawk ber ang.

Leave a Reply

error: Content is protected !!