Manchester United chuan Borussia Dortmund-ah loan a khel mek Jadon Sancho man an chhiar £75m zat atangin 75% tal dawn hmasak phawt an duh. Sancho hian a ngheta Dortmund a zawm dawn a nih chuan chawlhkhar khata a hlawh mek £275,000 chu a tihhniam ve ngei a ngai dawn thung. (Sun)
RB Leipzig chuan Arsenal nena sawi zawm Slovenia forward Benjamin Sesko chu kum khat daih contract an zawrh leh. (Fabrizio Romano)
Report thenkhatin an tarlan danin Liverpool atanga Agentina midfielder Alexis Mac Allister lakchhuahna zat chu £60m a ni. (Mirror)
Manchester United in an manager Erik ten Hag an ben ngei rin a ni a. Bayern Munich leh Ajax te chuan Erik ten Hag hi an manager thar ni turin an ngaihven chhunzawm. (Mirror)
Spain goalkeeper David Raya chuan loan-a a khelh mekna Arsenal nen a ngheta lak chungchangah sawihona an la neih loh thu a sawi. Gunners hian EPL si nghak tha ber Raya hi Brentford atangin a ngheta lak an hreh lo niin sawi a awm thung. (Express)
Tottenham manager Ange Postecoglou chuan nipui bazar inhawn hunah zahngaihna tel lovin a squad thuahfai a tum dawn a. Player thar a lak turah striker leh defensive midfielder a dah pawimawh bik ang. (Mirror)
Brighton, Chelsea leh Manchester United ten an ngaihven manager Kieran McKenna kawl chhunzawm turin Ipswich chuan an tih theih apiang tih an tum thu an sawi. (Teamtalk)
Chelsea chuan Aston Villa leh Tottenham te nena sawi zawm England midfielder Conor Gallagher chu contract thar ziak turi inremna an la neihpui hnai rih lo. Blues hian EPL dan bawhchhe lo turin Gallagher hi an hralh mai thei bawk. (PSR). (Express)
Arsenal co-chairman Josh Kroenke chuan an club tantute hnenah tualchhung leh Europe a champion pui thei tur lak tumin an zawng a, tun dinhmun angah hian an ding reng dawn bik lo tih a hrilh. (Goal)
Chelsea boss Mauricio Pochettino chuan season tharah a player neih mek 80-85% a kawl chhunzawm thei a nih chuan a lawm tawk viau niin a sawi. (football.london)
West Ham chuan Arsenal atangin kum 18 mi English defender Luis Brown an la lut thei tep tawh. (Caught Offside)
France forward Kylian Mbappe chu Paris St-Germain in French Cup final a Lyon an hmachhawn hunah PSG squad-ah hmun a chang ve tawh dawn lo. (RMC Sport – in French)
Hliam vanga chawl mek Real Madrid midfielder Aurelien Tchouameni chu Champions League final-a Borussia Dortmund hmachhawn turin a fit hman dawn lo. (Marca – in Spanish)
Barcelona boss Xavi chu a hma lam hun chungchang sawi dun turin club president Joan Laporta nen season tawp hunah an inhmu dawn a. Tunah rih chuan a hma lam hun a thim rih hle. (Sport – in Spanish)