Pawl 12 result a chhuak, pass percentage 78.04

Mizoram Board of School Education (MBSE) chuan vawiin khan Higher Secondary School Leaving Certificate (HSSLC) Examination, 2024 result a tichhuak a, zirlai exam beitu zinga za zela 78.04 an pass.

Pawl 12 result hi chhun dar 12 khan tih chhuah a ni a, Chaltlanga MBSE Office tualah tarchhuah a nih bakah MBSE website ah dah chhuah a ni bawk.

HSSLC examination 2024 ah hian exam hmachhawntu regular student zirlai 11676 leh private-a exam mi 148 an vaiin mi 11824 an awm a, chung zinga mi 9227 zaa 78.04 an pass a, Distinction-a pass mi 639 an awm a, first division-ah 3367, second division-ah 3525 leh third division-ah 1696 an pass a; Fail mi 2545 leh compartmental chance nei 52 an awm bawk a ni.

Arts stream-ah hian zirlai exam mi 8467 zingah mi 6749 pass-in, pass percentage hi 79.71 a ni a, Compartmental Chance nei zirlai 38 a awm a, hlawhtling zo ve ta lo zirlai 1680 an awm bawk a. Arts Stream bikah chuan Oikos HSS, Aizawl zirlai Linden Lalremruatpuia s/o Pu C. Lalrindika Venghnuai chuan Mark 500-ah Mark 471 hmuin a pumpuiah pakhatna a ni.

Science stream-ah zirlai exam hmachhawn mi 2808 zingah mi 2041 an pass a, hei hi za zela 72.69 a ni a, Compartmental zirlai 11 awmin, fail 756 an awm a. Science Subject-ah hian St. Pauls HSS, Aizawl zirlai Lalramdina Ralte s/o Lalthakima fapa, Mission Veng chuan mark 477 hmu in pakhatna a ni a, a ni hi kum 2022-a pawl 10 result tih chhuahah khan Mizoram pumah pakhatna a lo ni tawh bawk.

Commerce Subject-ah chuan a pumpuia Mark 460 hmutu, Aizawla St. Paul’s HSS zirlai David Lalhminghlua s/o Pu Paul Zakhuma Champhai Vengthlang chu pakhatna a ni a. Commerce Subject-ah hian zirlai exam 549 zingah 437 an pass a, hei hi za zela 79.60 a ni a, compartmental chance nei mi 3 leh hlawhtling zo ve ta lo zirlai 109 an awm bawk.

Candidate zawng zawng pass vekna hi Arts streamah sikul 54 a awm a, Science stream ah sikul 2 leh Commerce stream ah sikul 6 awmin, candidate zawng zawng fail vekna hi Arts leh Science ah sikul 2leh Commerce stream ah sikul 1 a awm bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427