Lok Sabha inthlan 2024 thawh ngana, Mumbai-a neih zawh takah Bollywood milar pahnih Alia Bhatt leh Katrina Kaif te vote an thlak loh chuan zawhna a ti tam hle.
A larpui zingah Amitabh Bachchan, Shah Rukh Khan, Aamir Khan, Deepika Paduone, Ranveer Singh, Hrithik Roshan leh Akshay Kumar te’n Thawhtanni khan vote an thlak hlawm laiin, anni pahnih hian an thlak ve lo.
Anni bakah hian Nora Fatehi leh Jaqueline Fernandez te hmel hmuh tur a awm ve lo bawk.
Alia Bhatt hi India khua leh tui a ni lova, British Passport keng a nih bawk vangin khua leh tui te angin vote an thlak thei lo nia hriat a ni.
Heti ang tho hian Katrina Kaif hi British passport nei a ni a, Indian dik tak anga insawi thin hi ramdang passport nena India rama awm a nih vangin vote a thlak a rem lo bawk.