Tottenham Hotspur manager hlui, Mauricio Pochettino chuan London hmar veng club-a la kir leh a duh thu a sawi.
Kum 53 mi hian kum 2014 leh 2019 inkar khan Spurs hi enkawlin kum 2016 khan Premier League-ah pahnihna nihpuiin 2015 EFL Cup final leh 2019 Champions League final a thlenpui.
November, 2019 khan bân a ni a, Paris St-Germain leh Chelsea a enkawl leh hnuah September thla khan United States coach ni tura rawih a ni.
“Club ka chhuahsan khan min kawmna pakhatah engtikah emaw Tottenham hi enkawl leh ka duh tih ka sawi a ni,” tiin Argentine hian Sky Sports hnenah a sawi.
“USA-ah ka awm a, engmah sawi a rem lo va; mahse, ka sawi tawh kha a la ngai reng a, kum nga kum ruk liam mah se ka rilru chu a la danglam lo,” a ti.