Aizawl: Mizoram Legislative Assembly Speaker Lalbiakzama leh Norway-a India palai Gloria Gangte te chu Pathianni khan Indian Embassy, Norway-ah an inkawm.
Lalbiakzama hian Cape Town, South Africa-a Commonwealth Parliamentary Conference-ah Mizoram aiawha a tel hnuin, external affairs ministry ruahmanna angin Post Conference Tour a nei chhunzawm a. France, Switzerland leh Norway tlawh kualin heng hmuna Indian Embassy-ten an lo dawngsawng.
Norway-ah hian Gangte chuan speaker-te nupa hi zanriah a kilpui a, India chhung leh hmarchhaka hnam hrang hrangte inpumkhatna chungchangte an sawi dun.
An inkawmnaah hian Ambassador pasal Anil Kumar leh Mizoram Assembly Secretariat Addl. Secretary Lalthangmawia ten an tawiawm a ni.