A mak tih piahlam a ni a, Indian ARMY tan mumang te pawh a ang. Central Board of Secondary Education (CBSE) question paper-ah K pop band BTS a lang tlat mai.
Pawl kua (9) zirlaite English language paper, 2021-2022 session-ah BTS zawhna a awm khiau.
Thil ni thei lo hiala ngaih, a taka thleng bawk si question paper-ah hian BTS chungchang ziahlan a ni a, comprehensive passage a awm nghe nghe. An lar dan te nen lam!
Hei hian zirlaite zing-ah thawm a siam hak a, question paper thlalak chu social media-ah a darh nghal huk bawk.
Zirlai pakhat chua, “Vawiina english exam-ah BTS chungchanga a lang nawlh mai, ‘Engvanga Korean pop music hi khawvel at-chilhrawn a ni tak mai le’ tih zawhna awmin, BTS leh K-pop group dangte chanchin tarlan a ni bawk,” tiin phur fahranin a sawi.
Engtin chiah maw?
Passage-ah hian BTS te’n fan an ngah zozai dan te, ARMY tia hriatlar a nih dan te nen lam tarlan thlap a ni a, ‘Dynamite’ hla hmanga YouTube record thar an siam dan te thlengin hmuh theihin a awm bawk.
Hetia CBSE question paper a darh huk tâkah chuan fan pakhat phur fal lutuk chuan, “In vananei teh e.. he question paper buatsaihtu hi keimahni ang bawka ARMY a ni ngei ang,” a ti ve bawk.
Mi pakhat dang leh chuan, “Ka lawmpui che u. In va vannei tak.. CBSE English term 2 exam paper keng chungin kil khatah ka \ap zawih zawih mai. An chanchin ziahna question paper neih ve theih ka va’n châk tak em.. ka paper hi Hyderabad lam a ni bawk si, a pawi thui vawng vawng,” tiin a tuihnih ve bawk.