Salzburg-ah Bayern an tlawm teuh

European champion vawi ruk ni tawh Bayern Munich chuan huntawp dawn lama Kingley Coman goal khung chu an himpui hram a. Red Bull Salzburg in an barakhaih dawn nia a lanlaiin 1-1 in an inhnehtawk hram.
UEFA Champions League round of 16 first leg inkhelah German champion lai hi Salzburg-ah kalin Red Bull Arena-ah an inkhel a. Hun tam zawk chhung si phur zawk an nihlaiin minute 90-naah French winger Coman-a’n an si phurh a sut hram.
Salzburg tan first half substitute Chukwubuike Adamu chuan minute 21-naah mawi takin an hmahruaina goal a khung a. Goal hmaah hriam se khung belh a inkhel dah\ha thei zawk dinhmunah an ding.

Bayern beisei loh inkhel
Rinkai zawk ni chungin Bayern Munich in Austria an pan a, mahse inkhel \an a\angin an beisie angin thil a kal lo.
Mualneitu team an tha a za a, an tlan taimak bakah awmze nei a football khel zawkah an \ang.
Hetihlai hian Bayern Munich in nidang an pha lova, hun tam zawk chhung an inkhel a nung lo.
Kartawpah 4-2 a tlawm hlim Bayern hi kum 2019 hnua a vawikhatna atan an tlawm zawn teuh a. Group Stage-ah hnehna chang vek mahse RB Salzburg team naupang leh tlanchak rual awmkhawm chu an pha lo lek lek \hin.
Salzburg hian kum 2003 a Dutch team Ajax Amsterdam hnua Champions League a team naupang ber remin bul an \an a. An forward beiseiawm zing ami Noah Okafor inhliam thlaktu Adamu goal khung a mawi.
Manuel Neuer inhliam avanga Bayern Munich goal vengtu Sven Ulreich chuan Brenden Aaronson goal khung tur a dansak bakah Germany international Karim Adeyemi pet goal tur a dang bawk.
First half tawp dawn ah Salzburg in penalty beiseina an nei a. Benjamin Pavard chuan Adeyemi ti tlu in referee erawhin player a khawih fuh lo niin a ngai.
Halftime zawhah Bayern insiam\ha in hma an sawn deuh a, Leroy Sane chuan goal a khung teuh viau hnuah Coman-a’n an si phurh a sut.
Return leg hi March 8-ah Allianz Arena-ah khelh tur a ni a, a vawikhatna atana Champions League round of 16 khel Salzburg tan quarter-final lut turin paltlang tur la hautak mahse beiseina an la insiam.

Nagelsmann a lungawi
Bayern Munich coach Julian Nagelsmann chuan a team in hnehna chang zo lo mahse an inkhelah lungawina tur a hmuh nual thu a sawi.
“First half-ah goal chhuah mah ila Bochum nen ang khan a ni tawh lo. Second

half-ah kan insiam\ha a, halftime hma khan tihsual ho tak tak erawh kan ngah.”
“Kan goal chhuah pawh kha awlsam taka ven theih a ni a, second half-ah erawh goal ven leh nawr kan kalkawp tir a \ul tawh a, kan goal ven dan kawngah pawh goal nawr awlsamna turin nghet takin kan inveng.” tiin a sawi.
Chakna goal khungtu Kingsley Coman chu a coach hian a fak bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427