Teni-a vote thlakin vengtu a ngah


Union Minister Ajay Mishra Teni chuan Uttar Pradesh-a assembly inthlan neih mekah Nilaini khan Lakhimpur-ah vote a thlak a. Amah vengtu police leh paramilitary force-in an veng nasa hle.
Chanchinbumiten nikuma Lakhimpur Kheri-a an hnung lam atanga lo neitute su luitua an puh, a fapa Ashish Mishra chungchang an zawh laiin minister hian a kutin ‘V’ (victory-hnehna) sign a siam chu a pho lang.
Teni fapa, Ashish hi October thla atang khan he thil thleng avang hian lung inah dah a ni a, kar hmasa khan, Uttar Pradesh inthlan a kal mek laiin bail-a chhuah a ni.
Nilainia a vote neihna biala vote thlak tura a kalnaah hian vengtu a ngah hle a. Police hian an hual vek a, chanchinbumi leh mi dangte pawhin an hnaih thei meuh lo.
“Pu Ajay Mishra!” tia an koh lawm lawm pawhin an hnaih thei lo va. A vote thlak tur kal heti tak maia ven a nih chungchangah hian mi tam tak chuan voter pakhat ve tho a nih avangin heti taka ven a ni hi an sawisel.
Prime Minister Narendra Modi-a sorkar-a Union Home Minister of State Teni leh BJP hruaitu lawk tak takte hian Uttar Pradesh khawchhak lamah hian ho an ngah hle a, a bikin Lakhimpur-ah hian an tla na zual.
Minister hian tualthattua puh a fapa chungchangah hian chanchinbumite hi a chhang tha duh lo thei hle a. Nikum pawh khan chanchinbumi pakhat chu bei letin tawngkam mawi lo tak a hmang a, a thla pawh lo lak fuh a ni nghe nghe.
Mishra hi a SUV hmanga Lakhimpur Kheri-a lo neitute kawng zawh an hnung lam atanga a su lui nia puh hnu lawkah man a ni a. Lo neitute hi sorkar laipuiin lo neihna kaihhnawih dan thar a siam duh lohna lantira kawng zawh an ni a, deputy chief minister-in a tlawh dawn laia hetiang hi lo huaihawt an ni.
Video thehdarhah chuan SUV pakhatin lo neitute hi a tawngpawng sut pawp a ni ber a. A pa nen hian he SUV hi a khalh anga puhna chu nasa takin an pha.
Lo neitu pali leh chanchinbumi chil hlum a ni a. Thil thleng duh lova mipui thinrim inhawr khawm chuan BJP convoy hi an bei zui a, mi pathum an thi a, pahnih hi BJP worker an ni.
Uttar Pradesh police chuan phek 5,000 zeta chhah chargesheet siamin Mishra leh mi dang eng emaw zat chu he thil thlengah hian an inhnamhnawih ngei niin a puh a. Chargesheet hi thil thleng lai hmutu te, CCTV-in a lo lak fuh te leh thlalak atang tein an siam a ni.
Kum 2017-a Uttar Pradesh inthlan hnuhnung berah khan Lakhimpur-a assembly bial pariat awm chu BJP hian an la vek a. Hemi tum hian hnam tha, Teni-a ho hian an campaign a, ani hi an state-ah chuan BJP hruaitu zinga thiltithei ber pakhat a ni.
Uttar Pradesh-a inthlan kal mek hi Nilaini khan a thawh li nan mipuiin vote an thlak a, thawh sarih tur niin March 10-ah vote tlate chhiar a ni ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427