Ukraine rama Indian zrilai tâng mekte chhanchhuah hna kalpui a nih lai hian, engvanga he rama Indian medical zirlai te an tam em em na-chhan hi sawifiah a ngai niin a lang. Engnge a hlawkna ni a, heti taka Indian zirlaite’n an bawh huk mai le?
Ukraine-a Ministry of Education and Science tarlan danin, 2020 khan an ramah Indian zirlai 18,095 an awm a, ramdang zirlai zaa 24% an tling pha. Engpawhnise, heti ang hian Indian medical zirlaite tana popular choice a nih dan tarlang ila:
Medical education
changtlung tak an nei
Europe khawmualah khuan Ukraine hi medicine lam bika graduate leh post-graduate specialisation-ah palina an hauh pha tlat mai a, an theu neu lo. An rama sorkar enkawl university lar tak takte khuan high-quality education an pe tha hle.
Hei vang hian Indian nu leh pa tam takte hian ramchhunga private me-dical college lar lutuk lo, fees to uchuak nia sawi bawk si te aiin an fate kal nan an duh zawk tho a ni.
India aiin fees a hniam zawk
Ukrainian medical college te hi Indian zirlai tam tak, sorkar college-a seat chang thei bawk si lo, private insitution te’na sum tam tak an beisei tipuitling thei si lo te tan Chung lam remruatna a tih theih hial awm e.
Kum ruk chhung zir thin medical degree atan india pawisaa cheng nuai 15-22 vel sen a ni thin a, India rama private medical college-ah a tlangpuiin cheng nuai 60 atanga vaibel-chhe 1.1 te a ni thin.
India rama practice harsa lo
Zirlaite’n ram dang atanga MBBS degree an lo hawn hian India rama practise thei tur chuan National Board of Examinations’ Foreign Medical Graduate Exam (FMGE) an paltlang a ngai. Kumtin Ukraine atanga me-dical zirchhuak mi 4,000 vel te hian FMGE test an neih thinnaah mi 700 vel an pass thin a ni.
Pass rate hi hniam deuh mah se, Indian zirlaite’n Ukrainian university hrang hranga inziahluh an thulh phah chuang lova, kumtin an pung deuh deuh tih mai tur a ni tho.
Entrance exam a awm lo, English hman a ni
Ukraine-a medicine zir tura Indian zirlaite an fehchhuahna chhan langsar takah chuan medical sikul-a lut turin a hranpaa entrance exam pass a ngai lo hi a ni. Tin, lehkha zirnaah English hman a nih bawk vangin a hrana ramdang tawng zirleh a ngai tawh lova, chu ringawt pawh chu thawven huai huaina tham a tling.
Ukraine medical degree khawvelin a pawm
India mai ni lo, Ukraine medical degree hi khawvelpum huap pawha pawm thlap a ni a, harsatna a awm lo.