Premier League club Leeds United chuan an head coach Marcelo Bielsa an ban hnuah coach thar an lalut nghal thuai a. RB Leipzig coach hlui American mi Jesse Marsch chu coach thar atan an lalut.
Marsch hian Elland Road-ah hian kum 2025 June thleng hna thawk turin contract a ziak.
New York Red Bulls leh Red Bull Salzburg te hlawhtling taka lo enkawl tawh Marsch hian German club Leipzig enkawl tura lakluh a nih hnuah thla nga chauh a daih a. December thla khan Leipzig hi a chhuahsan.
Pathianni zana ban tak Bielsa hmunruak hi work permit tihfel a nih veleh a luah nghal dawn a. A club thar hi Premier League-ah 16-na ni mekin relegation zone chu point hnihin an hlat mek.
“Leeds United chanchin leh an lenzia hi ka hria a. Chuvangin he hna thawh hi ka phur hle. He club hi ral a\angin ka lo thlir \hin a, tunah heta hna ka thawk tur hi ka phur. Bielsa-a’n he club a sawi danglam dan hi ka hmu a, a fakawm ka ti a. Tunah keiin hmasawnna kalpui zui zel hi ka tum.” tiin Marsch chuan a sawi.
Tunge Marsch?
US international hlui Marsch hian a inkhelhlaiin European football dai lo mahse manager a nih hnuah Austrian club Salzburg chu Austrian Bundesliga leh Austrian Cup vawi hnih a chawipui.
Major League Soccer-ah New York Red Bulls chu Supporters’ Shield vawi hnih lakpuiin regular season a che \ha ber an ni a, kum 2015 khan MLS Coach of the Year a thlan a ni bawk.
Salzburg-ah hian football hmuhnawm khel \hin niin Norway striker Erling Braut Haaland chherhriamtu zing ami a ni bawk.