- David Zochhuanmawia (Vida Hrahsel Saza)
Mizoram Legislative Assembly Unstarred Question for Ninth Session: February – March, 2022 neihah Pu C. Ngunlianchunga, MLA zawhna ‘MYC Perhkhuang chungchang’ chhanna chu ni 25.02.2022 (Zirtawpni) khan a chhuak a. MYC Perhkhuang 2021 neih tâkah khan chêng nuai 18.37 hman ral a ni.
Zawhna pakhatna – Mizoram Youth Commission bul tuma ‘MYC Perhkhuang 2021’ COVID-19 hluar lai taka neih kha eng nge a chhan? A hlawkna hmuhlet a awm em?
Chhanna – “MYC Perhkhuang 2021 chu Pandemic hunlai thalaite tan online kaltlanga an talent haichhuahna hun remchang a nih mai bakah MYC Action Plan a awm a nih avangin hunawl hlawk taka thalaiten an hman theihna tura huaihawt a ni,” an ti a.
“A hlawkna hmuhlet tur hian nakin zel atan beiseina sang tak neih a ni,” tiin an chhang bawk a ni.
Zawhna pahnihna – Mihring engzatnge inrawlh (involved)?
Chhanna – “MYC Perhkhuang atan hian Perhkhuang Organising Committee din a ni a, Committee Chairman leh Secretary bakah member 8 an awm a, Committee member-te hi Judge an ni nghal bawk a ni,” tia chhan a ni a.
“MYC Perhkhuangah intihsiakna ah hian mi 553 in an Video Clip hmangin Audition atan an zai an rawn thehlut,” tia chhan a ni bawk.
Zawhna pathumna – Chêng engzatnge senral a nih?
Chhanna – Rs 18,37,313/- senral a ni.
Zawhna palina – Sum hmanral zawng zawng ziakin min pe thei em?
Chhanna – Sum hmanral zawng zawngte chu hetiang hi a ni e :-
1) Hiring of Dawrpui Multipurpose – Rs 37,000/-
2) Honorarium of Judge – Rs 3,60,000/-
3) Honorarium of Host – Rs 60,000/-
4) Hair & Make-up & Shooting – Rs 30,000/-
5) Wardrope/Costume – Rs 20,333/-
6) Food & Lodging of Guest – Rs 28,500/-
7) Air Ticket for Guest – Rs 1,45,000/-
8) Honorarium of Musician – Rs 1,56,000/-
9) Hiring of Music Instrument & Jam – Rs 15,000/-
10) Advertisement/Promo Clip etc. – Rs 30,000/-
11) Event Management & Hyve City Hall – Rs 1,50,000/-
12) Photography – Rs 5,000/-
13) Live Broadcast (MK Film Industry) – Rs 2,00,000/-
14) Active Sound – Rs 2,00,000/-
15) Honorarium of Organising Secretary – Rs 60,000/-
16) Mizo Dance Camp – Rs 20,000/-
17) LPS & Zonet Cable – Rs 80,000/-
18) Top 10 Lawmman (Citation) – Rs 50,000/-
19) Top 5 Trophy – Rs 5,000/-
20) Miscellaneous Expenditure – Rs 1, 85, 813/-
Sum hmanral zawng zawng belhkhawm (Total Expenditure) chu Rs 18,37,646/- a ni.
Inmil lo awm \hin hian ngaihtuahna a ti thui \hin –
Zawhna pathumna chhannaa a lan angin, sum hmanral zat an sawi chêng nuai sawmpariat, singthum, sangsarih, zathum sawm pathum (Rs 18,37,313/-) leh sum hmanral zawng zawng tarlan belhkhawm chêng nuai sawmpariat, singthum, sangsarih, zaruk sawmli paruk (Rs 18,37,646/-) hi a inmil lo a. An inmil lohna erawh tam tak ni lo mah se, sorkar chhut fel sa ni si, thil felfai lo a awm niin a lang. Tin, sum sênso lanna zawng zawnga sum dawng tùrte hian an dawn tùr zat \heuh an dawng kim êm ang chu maw? Kum 2020 COVID hri lên hnua Virtual Anthurium Festival hmanna sum senso leh a dawngtu tùr te’na an dawn a inmil lo ang nuai(h) kha chu a ni tawh lo tùrah ngai phawt ila… Mahse, a Department changtu Sports Minister leh Tourism Minister bawh chak tak hi Pu Robert Romawia Royte tho kha a la ni thung.
Zaithiamte aiin a buaipuitute hlawk zawk –
Sum hmanral dan a\anga a lan danin, Judge pasarihte lawmman a san êm êm laiin, he intihsiaknaa tel (Participants) te lawmman erawh chêng Singnga sangnga (Rs 55,000/-) in a huam zo (Covered) vek lawi a! Organising Secretary pawhin chêng singruk (Rs 60,000/-) lâi lawmman a nei a. Musician te erawhin an hah mil tawk an dawng niin a lang. Musician paruk an awm a, chêng Singhnih sangruk (Rs 26,000/-) \heuh an dawng niin a lang bawk a. \ul pawimawh danga hman (Miscellaneous Expenditure) hi a sang êm êm bawk a, chêng nuai khat leh singriat sangnga (1.85 lakhs) chuang sen ral a ni bawk a. A hlawk pui ber tùra ngaih, intihsiaknaa tel \halai zaithiamte lawmman ngaihtuah chuan he intihsiakna ‘MYC Perhkhuang 2021’ hi a buatsaihtute leh chanvo nei mi tlemte hlawkna chauh niin a lang ta a ni.
A tlipna –
Engpawh nise, MYC Action plan-a awm a nih avang leh \halaite hmakhaw ngaia buatsaih a ni hi a lawmawm hle a, Mizoram tan a hlawkna nasa tak a lêt ngei tùrah ngai ila, a lêt ta lo a nih pawhin kan \halai \henkhat te’n a hlawkna tlêm an têl veah ngaih sak mai ila, a hahdamthlak mai ta ve ang. Mizoramah Music hmanga insumdawn tawnna hian hmun a luah chho ve \an zel a, eizawnna ngelnghet atan pawh an hmang chho \an mek a nih hi! Chutih laia lawmman tam tak dawng tùra ngaih zaithiamte aia, a buaipuitu lama induhsakna uchuâk a awm \hin hi erawh a pawi a, a mamawh lo zawkin an hlawkpui viau a nih hmel e. Tin, hriat ve mai mai atan, a buaipuitute zinga a thu ber berte leh Judge zinga mi pahnihte kha Hnam Rûn (MNF Office) a nihna nei an ni bawk. ‘MYC Perhkhuang 2021’ intihsiaknaa zaithiam ber (Pakhatna) khan a tlêm berah chêng nuai hnih (2 lakhs) tal dawn kha a phu hlein a hriat a, Prize money an ken tel tir lo kha a pawi hle a ni. Engpawh nise, a hlawkna leh a \hatna lam ngaihtuah chuan a huau huau Programme hrim hrim kha chu a \ha khat e.