Taekwondo infiamna thuneitu sang World Taekwondo Headquarters chuan Russia in Ukraine a run avanga pawisawi lo tam takin nunna an channa chu na taka an dem thu an sawi a. Russia President Vladimir Putina hnena Honarary Black belt 9th Dan a lo pek tawh chu an hlihsak.
World Taekwondo Headquarters chuan Russia ram thiltih dan chu World Taekwondo hma thlir “Hnehna aiin Remna leh muanna a hlu zawk” tih chu a kalh tlat tiin an sawi.
International Olympic Committee thlawpin World Taekwondo buatsaih international inelna hrang hrangah Russia leh Belarus hnam hla sak leh hnam puanzar zar a khap nghal a, Russia leh Belarus ram chhungah International inelna buatsaih a khap zui bawk.
World Taekwondo hian mihring zahawmna vawnhimna kawnga hriat hlawhte, Taekwondo hmasawnna atana thawh hlawk ram hruaitute hnenah Honorary Black belt hi a hlan tawh \hin.
Ram hruaitu langsar leh infiamna hruaitu hraw tak takte karah Mizoram in khawvel taekwondo huangah hma a sawn avangin kum 2012 khan a hunlaia Chief Minister Lal Thanhawla chu an lo hlan tawh.