Sevilla in an star player pahnihte nghet zawka chelh turin hma an la

Spanish football club Sevilla chuan an team a player pawimawh pahnihte chu nghet zawka chelh turin contract an ziahpui thu an sawichiang.
Kumtirah khan an defender Diego Carlos chu Premier League club hausa thar Newcastle United chuan lakluh tumin an umzui ngawrh hle a, mahse Sevilla hian Magpies in lei an tumna chu a hniam lutuk tiin an lo hnawl tawh.
Hemi hma hian Sevilla chuan nikum lam khan Carlos hi Ramon Sanchez-Pizjuan Stadium-ah kum 2025 thleng inkhel turin contract thar an ziahpui a. He contract-ah hian leichhuah theihna awm chu tihsan ni bawkin Carlos-a leichhuak tur hian Euro maktaduai 80 tal sen a ngai tawh dawn.
Kum 28 mi Brazilian defender bakah hian kum 27 mi Argentina winger Lucas Ocampos pawhin nikum khan contract thar a ziak tawh a, kum thum leh a chanve dang Sevilla tan a la khel dawn a, a leichhuah theihna chu Euro maktaduai 70 a tihsan a ni ve thung.
Sevilla director of football Monchi chuan hemi chungchang hi a sawifiah a, “Diego Carlos leh Lucas Ocampos te contract hi thla 14 kalta khan kan tifel tawh a. Amaherawhchu thil kalpui duhdan kan neih avangin kan puangzar lo.” a ti.
Carlos leh Ocampos te hi Sevilla in La Liga champion nih an tumna kawngah an pawimawh hle a. Club hian an contract a release clause awm club dangin an rawn ngam dawn a nih loh chuan hralh an tum lo.
Tun season-ah Carlos hian inelna hrang hrangah vawi 36 a khel tawh a, winger Ocampos hian game 31 a\ang goal 8 a khung tawh a, assist vawi 4 a nei tel.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427