An mualah Barcelona in Galatasaray hneh zo lo; Sevilla lakah West Ham an tlawm

FC Barcelona chu Europa League round of 16 first leg inkhelah an mikhual Galatasaray in an chelh a. Goal inpe lovin 0-0 in an inhnehtawk.
Ningani zan inkhelah hian La Liga club tan Frenkie de Jong chuan Barca tana goal khung teuh berin Pierre-Emerick Aubameyang-a overhead kick a\anga ball kal chu goal banah a pet per.
Mikhual team tan striker Bafetimbi Gomis goal khung chu offside avanga pawm a ni lo ve thung a. Barca forward Memphis Depay chuan first half-ah \um hnih lai a team hma a hruaipui teuh.
Karlehah Barcelona hian second leg an khel dawn a, Istanbul-ah leng lut dawnin an hmabak a hautak tawh dawn. Hetihlai hian round of 16 lut turin Napoli lakah mikhual team ni chungin goal li an khung thei a. Barca hi rinkai zawk an la ni.
Coach Xavi Hernandez chuan an result chu a duhawm lo tia sawi chungin an khingpuite a fak.
“Kan goal nawr a na tawk lova, goal hmaah a tawp khar turin ball dik kan inpe hleithei lo. Galatasaray kha an fakawm tak zet a, goal hmaah kan finishing \ha min hman tir lo hrim hrim.”
“Nidang aiin chance kan insiam tam lo deuh zawk pawh a ni mai thei a, mahse chak phu zawk turin goal hlauhawm kan ngah zawk. Kan chak zo lo hi a pawi a, mahse Europe-ah hian tumah hi vanneihna avanga thleng thui kan awm lo tih kan lo sawi tawh. Kan thlen chin hi kan phu vang vek a ni a, team \ha vek kan ni tawh.” tiin a sawi.
Spanish club dang Sevilla erawhin hnehna an chang a. Premier League club West Ham United lakah 1-0 in an chak.
Ramón Sánchez Pizjuán Stadium-ah Europa League a vawi ruk champion tawh Sevilla tan Munir El Haddadi chuan minute 60-naah inkhel a goal awmchhun a khung.
Kum 1981 hnua Europe huap club inelna lian a knockout inkhel an hmachhawn leh hmasak berah David Moyes-a pawlte an khelchhe lova. Croatian forward Nikola Vlasic leh Tomas Soucek te bakah Manuel Lanzini hmangin goal an khung teuh vek a.
Mahse tun season a Spain ram chhung inelna a mahni mual a la tlawm miah lo Sevilla in an mual an hman thiam chu an chakpui.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427