Thluak leh i mutpuite khan inzawmna thûk tak an nei

Khuma i mutpui a zirin i thluak chakna kha a kiam sawt thei a, a bik takin mipa te tan fimkhur a ngai zual niin scientist te chuan an sawi.
Hei hian rilru leh ngaihtuahna a nghawng bakah i hnathawhna hmun ah pawh i chet that lutuk a beisei awm lo nia hriat a ni.
Hetih lai hian, hmei-chhe lam erawh chuan chuti teh vakin harsatna an tawk lem lova, a awm zia chu an thluak leh ngaihtuahna a ei hek vak lo tihna a nih chu.
Professor Gerhard Kloesch-a kaihhruaina hnuaia University of Vienna-a thak mithiam te chuan kum 20-25 inkar nupui /pasal la nei lo mi 8 te chu zirchianna neiin zan sawm chhung zet chu a hranga an muttir hnuin zan sawm dang an han mutdun tir leh ta a.
Scientist te chuan a tuk zingah chuan an rilru chakna chu uluk taka enchhinin ‘cognitive test’ an nei ta a ni.
Mahnia a hranga mut ai chuan an han mutdun chiah khan an lo mutui lo vek tih an hmuh chhuah mai bakah an thluakah pawh nasa takin nghawng a nei nghal tih an hmu chhuak bawk a, a bik takin mipa lamin an tuar bik hle a ni.
Hmeichhe lam erawh chu eng emaw harsatna vanga an mu tui lem lo a nih pawhin thluak a nghawng hran lova, test an neihna ah an tihchhiat phah lem lo.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427