AC Milan in Serie A-ah point nga in hma hruai

Serie A hmahruaitu AC Milan in champion lai Inter Milan lakah point nga a hma hruai turin hnehna an chang a. Inrinni zanah 1-0 in Empoli an hneh.
San Siro a inkhelah hian Milan tan Pierre Kalulu chuan first half-ah Milan tan goal a khung a. Minute 19-naah French defender hian kawh zetin Empoli goal sir kilah a pet lut.
Second half-ah Milan an chesual teuh thei \hin a, inkhel dah \ha turin goal hlauhawm an siam tam tawk loh bakah an goalkeeper Mike Maignan chuan a chhanhim an ngai leh \hin.
Nimahsela Stefano Pioli pawlte hi league-ah khel\ha tawk lo chunga 1-0 a an chak zawnna a ni a. An hnuai chiah a awm Inter Milan erawh anni aiin an khel tlem zawk.
Inkhel zawhah Pioli chuan, “Khelh kua a la awm a, a la tam. Point 27 hmuh tur a la awm a, hei vang hian top 5 a awm hi chuan champion theihna an la nei vek.”
“Hmalam kan thlir thui lutuk dawn lo, champion chungchang hi season tawp dawn ni ah bak kan sawi lovang.” a ti a. Milan hi inelna hrang hranga an match hnuhnung pakua a\ang an tlawm tawh lo.
Inrinni zana inkhel dangah Juventus in Stadio Luigi Ferraris-ah hnehna an chang a. Alvaro Morata goal hnih hmangin 3-1 in Sampdoria an hneh.
Maya Yoshida own goal leh Morata penalty khung hmangin first half-ah Juventus in hma an hruai a. Second half-ah Sampdoria hian penalty an pet goal lova, an substitute Abdelhamid Sabiri chuan goal khat a khung hnuah Morata bawkin Juve goal thumna a khung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427