- Robert Zoliana
Fatir nei zo hlim hlawl Nu tan ei leh ei loh turah ngaihtuahna a kal thui viau thei a, tawnhriat vawikhatna a nih vangin chian loh rûkna riau thlenga neih theih a ni. Ngaihtuah tur tam tak a awm.
Pian nalh loh hlauh vang te, nulat lai anga slim zaiha awm loh mai hlauhthawnna te bakah naupai vanga taksa rihna lo pung hluai tihhniam dan te thlengin zawhna a tam thei hle. Taksa chakna neih let leh a ngai a, nau hnute pek nen.. a buai viau theih.
Engpawhnise, nau neih hnu-a ei leh in chungchangah heng thil pali te hi uluk taka rilru-a vawn a tha awm e:
Calories
Fa i nei ta a, nau hnute pekin a zui nghal mai bawk a, chuvang tak chuan i taksa kha chaw tha leh hrisel taka i chawm nghal char char a ngai dawn. Nikhatah calories 300-400 vel tal chu i thil ei ah khan i lakluh a ngai tawh ang.
Galactagogues
Hemi awmzia chu, taksa in hnute tui a siamchhuahna puitu kha a ni a, hnute tui awm tir thei tur hian thingfanghma, sawhthing, nutes, seeds, chickpeas, bean leh jeera te ei that a pawimawh hle a ni.
Protein
Hei hi a pawimawh zual. I taksa khan protein mamawh tâwk a hmu in, a dawng tha tur a ni a, i chaw ei vawikhatah chauh khan a tel tha tur a ni lova, i chaw ei reng rengah khan tel ve thei zel se duhthusam a ni ang.
Minerals
Taksa tana tangkai leh pawi-mawh em em, mineral zingah hian a bik takin zinc leh folate te hi hmaih chi a ni lo.
Heng te hi nau neih hnu a ei tam loh emaw ei rih loh tur te an ni:
Mi pahnih tana ei
Hei hi mi tam tak chuan tak tak emaw tiin, tunlai hun ah thleng hian mi pahnih tana ei tur, an ti thin. A nihna takah chuan a dik lem lo. Thil ei vak emaw ei teuh teuh kha hriselna atan a tha ber lo.
Zu in loh tur
Zu emaw vaihlo atanga siam lakluh deuh thut hian taksa in a haw em em a, dam chian lam panna kawngah daltu leh tibuaitu lian tak a tling thei.
Nunphung hrisel lo sim
Chawlh hahdam reng mai kha chawh i ni hran lo. Nau i neih dan atang khan chawlh hahdam i mamawh rei in, a tawi thei tho bawk. Chuvang chuan, khuma mu tlawn reng lo deuh khan i taksain a zawh tawk leh tlin tawk ang zela harhvang angreng taka awm kha a tulin, a pawimawh zawk a ni.
Weight loss nghal tum suh
Naupai hnu hian taksa mawi-na leh piannalhna neih leh ngei duhna pressure rik tak hi a lo awm nghal mai thin a, mahse rilru a vei tluk tluk a, taksa rihna tihhniam nghal tum a, chet lak thawt thawt loh tur. I taksa damchian hun kha dawhthei takin nghak hmasa ang che, dim hle tur aw!