Premier League a Liverpool goal 2000-na khungtu Salah

Premier League champion nih tum a Manchester City umtu Liverpool chuan champion lai in hma an hruaina chu point thum chauh ni tawh turin an tihniam a. Brighton & Hove Albion lakah hnehna changin an chet\hat kaltluang lai an chhunzawm.
Liverpool tan Luis Diaz chuan a club thar a bul a \an \hat a chhunzawm a, Joel Matip-a ball siamsak \ha tak mai chu minute 19-naah a tauh lut.
Brighton goalkeeper Robert Sanchez chu Colombian forward nen an inchilhnaah hlauhawm taka a tlawh avangin hnawhchhuah a ni lo a vannei hle.
Amex Stadium-ah a tir minute 10 chhung vel mualneitute khel\ha an in an harhvang a, mahse a hnu lamah erawh Liverpool chu player nei \ha zawk an nihna a lang. January thla a lakluh Diaz-a’n club tana a goal hnihna a khung a, an tlarhmaah a tlan taima a, a huaisen bawk avangin Reds goal nawr tihlauhawmtu a ni.
Second half-ah Reds in minute 61-naah Yves Bissouma handball avangin penalty an hmu a. Mohamed Salah chuan goal-ah chantir in Premier League a Liverpool in goal 2000 an khungna a ni a. Egyptian forward hian tun season-ah league goal 20 a khungna niin Liverpool a season nga a hman tawh a\angin league ah season li chu goal 20 a khung tling tawh.
Liverpool hi Premier League-ah a zawna vawi 8 an chakna a ni a. Lehlamah Seagulls hi a zawna vawi nga an tlawmna a ni ve thung.
Reds goal khungtu Salah hi Diogo Jota chuan thlakin a inkhel zo lova, inhliam a neih avangin coach Jurgen Klopp chuan an la chhuak tih a sawi.
“Hliam na chu a ni lovin kan hria a, mahse Mo hi khelmualah che \ha thei lova a \hu a nih tawh chuan thil dik lo a awm tihna a ni.Amah hi chuan na lutuk a nih erawh a hlauthawng lova, mahse kal pangngai in a kal \ha thei rih lo.” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427